Agoda最優惠價格保證/買貴退差價 (BPG) 介紹：條款、申請表格同格價工具教學

好多訂房網站或者酒店集團都會提供「最優惠價格保證（Best Price Guarantee）」，簡稱 BPG。作為世界知名嘅訂房平台，Agoda 自然都有提供 BPG（買貴退差價）。簡單嚟講，當你透過 Agoda 預訂酒店之後，發現同樣條件嘅房喺其他網站有更平嘅價錢，咁你就可以向 Agoda 提出申請。一旦批核成功，原本嘅房價就可以調整到你搵到嘅平價，甚至仲平啲。

有時候我哋需要安排一個比較遠期嘅行程，為免遲訂會冇曬房，通常都會早啲 book 定酒店先。不過酒店嘅入住率未必如預期咁好，呢個時候酒店就有機會減價促銷，好多訂房網站亦都會跟住降價。喺呢種情況下，我哋就應該密切留意住個房價，一發現減價就可以及時提出 BPG 申請。

BPG 申請網址：
https://www.agoda.com/zh-cn/info/contact.html

BPG 條款：
https://www.agoda.com/zh-cn/info/agoda-policies.html

Agoda BPG 嘅官方定義

Agoda 為用戶提供「優惠價格保證」。如果在透過 Agoda 預訂住宿客房後，您發現能在另一網站以更優惠的價格根據相同條件預訂同一日期、同一類型的客房，我們將為您提供與該價格相同的價格，或以 Agoda 住賞錢的形式將差價返還至您的 Agoda 帳戶，具體採取何種形式由 Agoda 全權酌情決定。

要提交 BPG 申請，你必須已經喺 Agoda 有一張確認咗嘅酒店訂單。同某啲酒店集團唔同，Agoda 嘅 BPG 申請並冇「必須喺預訂後 24 小時內提出」嘅時間限制。不過，你必須喺入住日期前一日嘅夜晚 11:59 之前提交有效嘅「優惠價格保證補償」或「最低價格保證」申請表，先可以成功申請退差價。

準備材料

喺提交申請之前，你必須先準備好以下材料：

你嘅 Agoda 預訂編號。
你搵到有更低價錢嘅網站網址 (URL)。
酒店名稱、所在城市及國家地區。
提供至少三張對方網站嘅截圖（Screenshot），截圖上需要清楚顯示你預訂日期嘅酒店空房、房型、促銷類型、房價等必要資訊。
請注意：你唔需要喺對方網站真正預訂酒店，只需要向 Agoda 出示對格價格就得。

條款與條件

雖說 Agoda 嘅 BPG 條件並冇某啲酒店集團咁嚴格，但都同樣要遵循一啲基本嘅 BPG 規則。建議大家喺提交申請之前，熟讀 Agoda 嘅 BPG 條款，費事嘥心機做白做：

1. 我們的「優惠價格保證」僅適用於已確認的訂單。為了成功申請價格補償，請提供您的 Agoda 訂單編號。

2. 提交的價格補償申請必須符合以下條件：

相同住宿

相同入住與退房日期

相同房型與床鋪配置

相同或更寬鬆的取消與更改訂單規定

Agoda 專員審核時，該房型須為可立即預訂跟確認的狀態

相同或更寬鬆的客房人數限制（例如：大人人數，小童人數）

相同或更優惠的福利（例如：早餐、餐飲、SPA）

相同幣別

價格須為含稅和附加費用的最終金額

3.「優惠價格保證」僅適用於住宿預訂。預訂機票、活動體驗、套裝方案（如：住宿+機票）不適用於「優惠價格保證」。

4.「優惠價格保證」僅適用於上述其他平台。若您找到的較低價格未在上述其他平台中，則 Agoda「優惠價格保證」將不適用。

5. 若您找到的較低價格是在 Agoda.com 上，則不適用於「優惠價格保證」。

6. 預訂中包含的任何附加費用，均不適用於作為「優惠價格保證」的比較。

7.「優惠價格保證」不適用於：

提供第三方會員獎勵計劃的預訂，包括兌換飛行常客哩程；或

預訂中包含的獎勵計劃或促銷優惠，例如：

現金回饋；

哩程積分；

員工優惠計劃；

外部禮物卡；

信用卡促銷優惠（包括 Paypal 和銀聯）；

信用卡折扣與 PointsMAX 的組合優惠；

非公開價格，如：

私人價格；

套裝方案價格；

Agoda A 級機密價；

包括在套裝旅遊中的住宿房價；

不適用於一般大眾的價格，包括：

企業折扣價

團體或會議價格

會員獎勵計劃

任何會員專屬價（例如 AAA 或 AARP 價格）。

8. Agoda 有權酌情確認任何補償的有效性，包括但不限於決定是否是相同的住宿、客房類型、日期，且其是否符合所有的條款、條列，以及補償所要求的條件。

9.「優惠價格保證」無法與其它優惠價格或促銷活動共同使用。

10. Agoda 有權在任何時間修訂、更改、補充、暫停或終止「優惠價格保證」。

申請表格

Agoda 而家已經取消咗 BPG 嘅申請表格，你需要透過「幫助中心」聯絡客服去處理。▼

如上圖，㩒入去「顯示更多服務選項」之後，系統會提示你聯絡 Agoda 客戶服務中心。▼

打開對話視窗之後，你可以直接輸入「申請優惠價格保證」，根據提示揀返你需要申請補償嘅訂單，然後㩒「輸入訊息」等候接通線上客服專員（Live Chat）。▼

BPG 工具（酒店格價）

要申請 BPG，我哋自然要先搵到第三方 OTA 網站嘅更平價錢。雖然 Agoda 一般只承認一啲知名網站嘅價格，但呢類網站其實都唔少，包括：Booking.com、Trip.com、Ctrip.com、Expedia.com、Priceline、Traveloka、Hotels.com、MakeMyTrip、Goibibo、Orbitz、Yanolja、Goodchoice (Yeogi Eottae)、Rakuten（樂天）、Jalan、Rurubu、Tiket.com 同 Airbnb 等等。

喺以前，我哋需要逐個逐個網站去㩒嚟格價，不過而家已經冇必要咁做啦，我哋可以直接用酒店格價網站去搞掂呢個 step。

TripAdvisor 就係一個非常實用嘅實時酒店格價網站，佢可以即時抓取各大訂房網站嘅酒店價錢，然後話俾你知邊個平台做緊全網最低價。