TopCashback中文現金回贈網 – 國際網購回贈比率高，可提現至銀聯卡

好多鍾意海外網購嘅朋友應該都聽過或者用過現金回贈網站。事實上各種回贈網站已經好普遍，起碼都有十幾間。透過回贈網站買嘢已經係好多人嘅指定動作。原因好簡單，只需要簡單㩒幾個掣就可以慳錢，精打細算嘅大家又點會放過呢個慳錢好方法呢。喺度就同大家推介一個我經常會用嘅回贈網站 – TopCashback。

TopCashBack中文官網：
https://www.topcashback.cn

TopCashBack美國站：
https://www.topcashback.com

咩係現金回贈網站？

有啲朋友可能仲未係好清楚咩係現金回贈網站。簡單嚟講，喺買嘢之前我哋先去回贈網站註冊一個戶口，然後搵你想幫襯嘅商戶，之後透過回贈網站提供嘅連結入去商戶嘅網站買嘢。畀錢之後，回贈網站就會按照你消費金額嘅一定比率（例如5%），以現金形式回贈返畀你。

有啲人可能會覺得奇怪，天下間邊有咁大隻蛤乸隨街跳㗎，回贈網站會唔會有啲咩伏位？其實有呢個顧慮嘅人絕對可以放心，回贈網站係安全可靠嘅。因為好多商戶本身就設有一種回贈機制，只不過呢種回贈係畀推廣渠道而唔係客。實際上係推廣渠道介紹客人畀商戶，然後商戶就畀傭金推廣渠道作為獎勵。慢慢有一啲醒目嘅推廣渠道索性將傭金嘅一部分直接回贈畀客人，咁樣就可以吸引到更多客人。

回贈網站促成咗一個三贏嘅局面。商戶可以提高銷量，客人可以慳錢，回贈網站又可以賺取更多傭金。何樂而不為呢！

TopCashback簡介

TopCashback喺2005年由兩個程式員Oliver Ragg同Mike Tomkins成立，建站嘅初衷就係為咗幫用戶慳錢。由於Oliver堅持將商戶提供嘅傭金100%回贈返畀用戶，依家已經發展成為英國最大嘅回贈網。TopCashback喺英國倫敦（London）、斯塔福德（Stafford）同博爾頓（Bolton）都設有辦公室，並且喺美國澤西市（Jersey City）同印度班加羅爾（Bangalore）都設有分公司。

由時裝到美妝，由旅行到母嬰用品，TopCashback提供過百個海外網購同旅遊商戶嘅現金回贈同最新優惠折扣，包括美國Amazon、GNC健安喜同Booking.com等等。

TopCashback標榜100%回贈，咁佢係點樣賺錢㗎呢？實際上無論係咪真係100%回贈，佢只需要出售網站上各個廣告板塊同埋連結就可以獲利。只要佢持續為商戶網站帶嚟大規模嘅流量，商戶就會持續支付廣告位嘅費用，咁就可以保證網站嘅營運同公司財政穩健。喺互聯網時代，流量就係王道。

TopCashback使用教學

TopCashback網站只係一個廣告平台，並唔會賣任何商品。你只需要揀心水嘅商戶，並且透過TopCashback㩒連結跳轉去商戶官網落單就得。商戶判斷咗訂單來源之後，就會將訂單資訊回報畀TopCashback，亦即係戶口入面顯示嘅訂單資訊。成功追蹤到訂單之後，只需要等大約6-14個星期左右，商戶就會支付回贈。商戶畀咗回贈之後，你就可以透過銀聯卡、Amazon禮品卡或Paypal提現。

回贈流程

1. 註冊TopCashback戶口
2. 透過TopCashback跳轉去商戶完成訂單
3. 落單1-7日內追蹤到回贈
4. 等6-14個星期商戶支付回贈
5. 將回贈提現

訂單係點樣追蹤同埋需要幾耐？

商戶係透過用戶瀏覽器嘅cookie嚟追蹤訂單嘅。喺你每次㩒連結去買嘢嘅過程入面，都會產生一個屬於TopCashback同用嚟辨別用戶嘅cookie。商戶透過呢個cookie識別出呢張單係經TopCashback跳轉完成，就會將訂單資訊回報畀TopCashback。而且你每次跳轉去商戶嘅時候，TopCashback都會保存你嘅瀏覽紀錄。

如上圖，成功追蹤到訂單之後，登入TopCashback後台就可以睇到回贈狀態。通常追蹤速度係好快嘅，商戶發貨之後，喺「待現金回贈」（等候回贈）入面就可以見到回贈金額。

• 待現金回贈 – 零售商已經將你嘅交易資訊回報畀TopCashback，依家處於被核實狀態
• 已確認 – 你嘅交易紀錄已經被確認，等收到零售商嘅回贈之後，會更新為可提現狀態
• 可提現 – 回贈已經到賬，隨時可以申請提現
• 已提現 – 已經提取咗嘅回贈紀錄

由「待現金回贈」變做「可提現」嘅時間比較長，呢樣取決於商戶處理回贈嘅速度，由幾個星期到幾個月都有。例如，有啲商戶支援30日退貨，所以需要過咗呢個退貨期先可以確認回贈。另外，就算訂單成功追蹤到，但如果後來訂單取消咗，回贈都會被拒絕。

如果訂單追蹤唔成功點算？

就算訂單追蹤唔成功都唔代表回贈冇咗，TopCashback仲有索償申請服務，只有極少部分商戶唔支援跌單索償。如果喺落單完成後嘅1-2個星期內仲未見到任何訂單資訊，就可以申請索償。大部分商戶只支援100日內嘅跌單索償。當收到用戶嘅索償申請之後，TopCashback會將索償交去商戶系統，然後等商戶處理。索償冇辦法保證百分之百成功，不過呢個時候你同TopCashback都有共同利益，佢哋一定會盡全力幫你爭取。

索償申請連結：
https://www.topcashback.cn/account/enquiries/missing-cashback-claims/submit/

點樣避免跌單？

為咗確保可以成功追蹤到你嘅訂單紀錄，避免跌單，你仲需要留意以下幾點（睇唔明嘅可以略過，呢啲操作唔係必須嘅）：

1. 最好唔好先喺商戶網站將貨品加落購物車或者生成報價，然後先透過TopCashback跳轉去官網完成交易，咁樣會影響訂單追蹤。
2. 盡量喺你透過TopCashback進入消費網站後嘅半個鐘之內完成交易。
3. 如果你曾經停用過Cookies，記得更改返瀏覽器同防火牆等設定，允許記錄Cookies。（唔識嘅略過就得）
4. 買嘢之前請清除Cookies或者類似ADblocker等攔截軟件，防止你透過TopCashback網站㩒嘅連結被覆蓋或者阻止，然後再透過TopCashback㩒入去你心水嘅商戶。（唔識嘅可以略過）
5. 建議用電腦嘅Google Chrome、手機嘅Safari瀏覽器嚟完成你嘅交易。而且買嘢嘅時候唔好打開其他唔相關嘅分頁。
6. 每次落單之前都要經TopCashback㩒入去一次，費事一次點擊多次落單會計漏數。

點樣用TopCashback？

1. 註冊TopCashback戶口

中國官網註冊地址（推介連結）：
https://www.topcashback.cn/?ihr=CB_cnhoteldig

美國官網註冊地址（推介連結）：
https://www.topcashback.com/join-us/hoteldig/ref/stanleychan

透過我哋嘅推介連結註冊成為新會員可享$10美金註冊獎賞，註冊後 3個月內有透過TopCashback落單並獲得第一筆「可提現」回贈嘅時候就可以提現。

• 註冊新會員後24小時內，$10美金註冊獎賞會喺戶口入面出現，顯示為「待現金回贈」
• 第一筆訂單回贈「已確認」後，$10美金註冊獎賞會顯示「已確認」
• 第一筆訂單回贈「可提現」後，$10美金註冊獎賞會顯示「可提現」

註冊好簡單，只需要填寫姓名、電郵地址、密碼就可以開通戶口。電郵地址唔可以亂填，因為TopCashback會發送電郵畀你進行真實身份驗證。

2. 揀選商戶

搜尋：喺網站上方嘅搜尋框入面輸入商戶或者品牌名稱，搵你鍾意嘅商戶。
列表：透過上方導航列瀏覽唔同嘅商戶分類。
最新優惠：喺「優惠」頁面或者登入後喺首頁睇下今日最新嘅回贈優惠。

3. 喺商戶官網買嘢

喺商戶頁面睇下最新嘅優惠、回贈等資訊。㩒「去購物 拿現金回贈」按鈕，商戶官網就會喺新視窗度打開。之後喺商戶官網上面正常買嘢就得。重要提示：喺你㩒咗按鈕進入商戶之後，請直接完成你嘅訂單。如果你喺落單之前打開瀏覽其他網站，你嘅回贈或者會追蹤唔成功。

4. 獲取回贈

TopCashback會自動追蹤你嘅訂單金額，你嘅回贈會喺7日之內顯示喺你嘅回贈明細頁面入面。（酒店回贈需要入住之後先會顯示正確嘅回贈）。

點樣提現？

如果你有回贈係處於可提現狀態，你可以隨時提現。喺提現頁面，你會見到可提現嘅金額顯示喺對應嘅提現方式後面。

目前TopCashback提供三種提現方式：Paypal、Amazon禮品卡、銀聯卡。對於本地用戶嚟講，自然係揀直接提現去銀行卡啦。

透過㩒你揀好嘅提現方式，進入下一步查看提現明細。確認無誤之後，再進入下一步核對接收轉賬嘅資料同埋提取金額，最後㩒「提現」完成提現申請。

有時你會發現有啲提現方式用唔到，可能係因為商戶有條款限制，又或者係你未填好「我的資料」入面嘅提現資訊。如果出現呢種情況，請根據㩒咗不可用提現方式之後彈出嚟嘅提示進行操作，請注意更改咗戶口資料之後係需要等72小時安全審核期嘅。

總結

依家市面上有唔少回贈網，點解我會向大家推介TopCashback呢？總結一下有以下幾點：

• 回贈比例高 —— 100%回贈
• 商戶涵蓋面廣 —— 基本上你諗到嘅網站都可以喺TopCashback上面搵到回贈
• 網上回贈索償 —— 雖然TopCashback嘅跌單率好低，但係有網上索償功能就會更加安心，亦都好方便
• 操作簡單 —— TopCashback網站清爽嘅介面、簡單嘅操作，係我揀佢嘅一個好重要原因
• 提現快速 —— 提現去銀行卡最多3個工作天就到賬

最後有一點要注意嘅係，如果你用咗非TopCashback官方提供嘅優惠碼，有機會會收唔到回贈㗎。