Agoda推出住宿價格鎖定功能（Price Freeze），可鎖定價格長達14天，避免酒店漲價造成損失

Agoda喺今年年初推出咗一項新功能，叫做：住宿價格鎖定（Price Freeze）。你可以喺確認預訂之前用呢個功能鎖定酒店價格長達14日，咁就唔怕酒店突然加價搞到自己蝕底啦。

Agoda仲特別為呢個新功能發佈咗新聞稿，內容如下：

Agoda今天宣布，在與Hopper Cloud達成合作協議後，將於年底前在其桌面和移動平台上推出一項新的「住宿價格鎖定」功能。此功能是Agoda不斷努力為旅行者提供更多選擇、靈活性和更好的定價選擇的一部分，並將允許Agoda用戶在確認預訂之前「凍結」住宿價格。

Agoda的新功能允許用戶支付少量的保證金，在平台上搜尋酒店並「凍結」價格。價格在至少1天至最多14天的價格凍結期內「鎖定」，在此期間用戶可以選擇繼續預訂。在整個價格凍結期間，住宿費用可能會波動，但用戶支付的費用不會超過約定的價格，如果價格下降，消費者將享受額外的優惠。如果用戶選擇不在指定的價格凍結期內預訂，他們的初始押金將被沒收。

Agoda首席執行官Omri Morgenshtern表示：「亞洲已經重新開放，世界重新開始旅行，但人們仍然希望他們能獲得最好的優惠，這是Agoda一直努力保證的事情。在消費者沒有完全確定購買時，有時需要時間來決定，但我們不認為這意味着他們會錯過最佳的優惠。透過將價格凍結技術引入Agoda平台，我們能夠為旅行者提供更大的靈活性、選擇和最優惠價格。這對他們來說是個好消息，對我們的住宿合作夥伴來說也是好消息，因為這將提高他們的銷量和轉化率。」

Morgenshtern繼續說道：「旅行領域的技術既令人興奮又充滿挑戰。我們每天都在合作和探索新的技術方式，讓我們的住宿、航班和活動合作夥伴以及消費者都能更方便地旅行。像與Hopper Cloud這樣的合作夥伴關係使我們能夠學習和分享想法，並共同為整個旅遊行業提升價值，」。

「Hopper於2021年初首次推出了其B2B計劃Hopper Cloud。目標是允許任何旅遊提供商集成和無縫分發Hopper的金融科技或旅遊庫存，」Hopper金融科技總經理Ella Alkalay Schreiber說。「我們很高興與Agoda合作，讓全球更多的消費者能夠獲得我們旅遊金融科技產品的靈活性和成本節約優勢。」

Agoda用戶可以點擊住宿價格列表上的「住宿價格鎖定」按鈕，按照預訂流程支付定金並在指定的價格凍結期內保持價格。此外，「凍結特定房間」允許用戶鎖定特定房間類型，可選擇床型配置。要使用此功能，客戶可以在每個特定房間類型下點擊「凍結價格」。

價格凍結目前正在推出，預計將於2023年初在所有參與市場和所有Agoda平台的預訂中提供。

https://www.agoda.com/press/agoda-announces-a-new-price-freeze-function-allowing-customers-to-hold-prices-before-buying

上面篇新聞稿已經將「住宿價格鎖定」呢個功能嘅作用講得好清楚啦。簡單啲嚟講就係，如果你睇中咗某間酒店，但係行程又未confirm，唔想即刻落單，又怕遲啲book會加價，咁你就可以用住宿價格鎖定功能，先畀少少按金將個價錢鎖定，等行程確定之後再確認預訂，到時你只需要畀返房價扣除按金之後嘅尾數就得。如果最終無落單預訂，你筆按金就會被沒收。

值得留意嘅係，當你已經用咗「住宿價格鎖定」並最終落單預訂，就算張單係可以免費取消，如果你最後取消咗預訂，當初畀嗰筆鎖價按金都係唔會退返㗎。

到目前為止，唔係所有酒店、所有房型嘅價格都可以用「住宿價格鎖定」功能。當你喺度check緊房價嗰陣，見到有「鎖定價格」掣嘅酒店先可以用。▼

Agoda推出住宿價格鎖定功能（Price Freeze），可鎖定價格長達14天，避免酒店漲價造成損失
香港珀麗酒店

從上圖可以見到，連稅房價HK$549，鎖定房價需要畀按金HK$78.28，按金比例大約係14%，都算係可以接受嘅。實際上唔同嘅酒店、唔同嘅房型價格，粗略統計按金比例大約喺10%至20%之間。

㩒入去鎖定價格個掣之後，你會見到詳細嘅資訊。要留意嘅係，鎖定嘅價格係未連稅嘅價錢。如下圖顯示，鎖定嘅價格係HK$499.33，而唔係上圖提示嘅連稅價HK$549。其實呢點唔係好重要，你只需要知道，你最後實際要畀嘅總數（包埋按金）係HK$549就得啦。▼

Agoda推出住宿價格鎖定功能（Price Freeze），可鎖定價格長達14天，避免酒店漲價造成損失

喺上圖嘅運作方式入面，系統仲有提示：「如果價格上漲，由我們為您補足價差最高至HK$391.42」。呢句話嘅意思係話，如果個價錢升咗，Agoda會幫你補差價，但係有個上限嘅，如果超出咗呢個上限，多出嚟嗰筆差價都係要自己畀返。

㩒「繼續」之後，你只要填寫電郵地址同信用卡資料（目前淨係支援信用卡付款），再㩒「確認並付款」就可以完成鎖定房價嘅操作啦。之後你就可以喺自己個account入面見到呢張鎖價訂單。▼

值得留意嘅係，呢度填嘅電郵地址必須要同你個Agoda account一樣，如果唔係到時想check返張鎖價單就會好麻煩。

Agoda推出住宿價格鎖定功能（Price Freeze），可鎖定價格長達14天，避免酒店漲價造成損失

Agoda呢個「住宿價格鎖定」功能就好似幫個房價買咗份保險咁，我覺得喺以下兩種情況之下都可以試下用：

  1. 行程未完全confirm，但係好大機會會去，又驚酒店會加價，特別係旅遊旺季嗰陣，可以提早鎖定個價。
  2. 行程已經定好曬，先鎖定價格，當係畀自己留條後路可以反口，萬一跌價嘅話仲可以慳返筆。

總括嚟講，只要行程好大機會confirm，咁用「住宿價格鎖定」功能都係好着數嘅。比較可惜嘅係，鎖價時間最長得14日，略嫌有啲短。

最後仲有一點要注意嘅係，「住宿價格鎖定」係唔保證一定有吉房嘅。即係話，喺鎖價期間，酒店有可能因為full house而book唔到，呢個時候筆按金就會自動退返畀你。

住宿價格鎖定FAQ：

住宿價格鎖定嘅運作方式？

透過Hopper嘅「住宿價格鎖定」功能，以後都唔怕錯過酒店嘅超值優惠啦！只需要畀少少按金，就可以喺Agoda上面鎖定酒店房價，之後再慢慢完成預訂。如果房價升咗，我哋會幫你補貼鎖價條款入面列明嘅最高限額。如果房價跌咗，你只需要畀個平啲嘅價錢就得啦！當你完成預訂嗰陣，之前為鎖價畀咗嗰筆按金會喺最終預訂費用入面扣返出嚟，但如果你最後冇完成預訂，個鎖價就會失效，而且按金係唔會退返㗎。

搵唔到我張鎖價單？

請確保你用緊預訂鎖價單嗰陣同一個電郵地址login Agoda，咁先可以睇得返張鎖價訂單。

我可以將自己嘅「鎖價」服務用喺預訂其他住宿或者唔同嘅入住日期嗎？

鎖價服務一經購買，你就唔可以將佢用嚟預訂其他住宿或者更改日子㗎啦。如果你唔再需要book嗰間房，可以由得個鎖價到期失效，但請留意，購買之後係唔會退返按金嘅。

鎖價涵蓋額度有冇限制？

有嘅，每個住宿價格鎖定服務都有房價升幅上限。如果張單出現房價上升嘅情況，Hopper會支付預訂嗰陣列明嘅最高升幅限額（唔包稅項同服務費）。最高升幅限額喺你購買服務之前已經寫明曬，喺確認頁面都會再講多次。如果房價升幅超出咗指定嘅最高限制，你需要自己畀現金回贈時房價扣除上限額外嘅差價。

我可唔可以取消住宿價格鎖定？

鎖價按金一畀咗就冇得退款，請恕我哋無法處理鎖價取消嘅申請。如果你決定唔喺鎖價服務到期前用呢個服務，筆按金就會被沒收。如果你用咗現時嘅鎖價去book房，之後再選擇取消預訂，請留意，鎖價按金一樣係唔會退返嘅。

點樣用住宿價格鎖定服務？

當你鎖定咗房價並畀咗按金之後，你可以喺Agoda「我的預訂」頁面睇返你嘅鎖價服務。

– 你鎖定咗嘅房型可以喺「即將到來」嘅預訂入面搵到。如果想完成鎖價房型嘅預訂，請㩒「預訂鎖價客房」。請留意，如果你喺平台嘅其他位做預訂，你個鎖價服務係唔會生效㗎。
– 㩒咗「預訂鎖價客房」之後，頁面會顯示預訂詳情，畀你喺畀錢之前對清楚。
– check清楚所有資料無誤，準備好book房之後，你就可以㩒鎖定客房預訂嘅底部去完成付款，book低心水客房啦！

如果住宿價格鎖定預訂失敗，點算好？

如果你用鎖價服務預訂住宿，但因為滿房搞到book唔到，我哋會自動向Hopper提出退款申請，筆按金會原路退返去你嘅付款渠道。

我可唔可以為多過一間客房買住宿價格鎖定服務？

每個鎖價服務淨係可以幫你鎖定一間房嘅價格。如果你想鎖定多過一間房，就需要為你想book嘅每一間房分開購買鎖價服務。

Agoda精選優惠活動：