IHG同好多航空公司都有合作關係，如果你對航空里數嘅需求大過IHG積分，咁喺入住IHG酒店嘅時候，你可以選擇賺取里數，而唔係積分。或者亦都可以直接將IHG積分兌換做航空里數。
透過入住IHG酒店賺取航空里數
IHG提供咗一個好方便嘅選項，容許會員喺入住嘅時候賺取航空里數而唔係IHG積分。操作好簡單，你只需要將帳戶設定入面嘅「積分喜好」由積分更改為「飛行里數」就可以。
登入會員帳戶之後，喺「喜好設定」→「積分喜好」入面更改為「飛行里數」，然後揀選你想賺取嘅航空公司里數計劃，輸入帳號、姓名等資料之後儲存。▼
當你選擇咗賺取飛行里數之後，住宿就唔會再累積IHG積分。所以記得喺需求唔同嘅時候，及時切換返做IHG積分。
唔同航空公司嘅累積方式同計算規則可能會有啲唔同，大致可以分為以下兩種：
1. 按每次住宿計算里數
呢種方式啱曬住平價酒店，因為無論你消費金額係幾多，都可以按固定值累積航空公司里數。例如：
- 亞洲萬里通（Asia Miles）：每次住宿可累積500里數
- 中華航空（華夏哩程）：每次住宿可累積500里數
- 長榮航空（無限萬哩遊）：每次住宿可累積500里數
- 日航（JAL Mileage Bank）：每次住宿可累積500里數
- 泰國航空（Royal Orchard Plus）：每次住宿可累積500里數
- 維珍航空（Virgin Points）：每次住宿可累積300里數
2. 按消費金額計算里數
呢種方式比較適合高消費嘅住宿。通常係每消費$1美金累積2里數。例如：
- 國航（鳳凰知音）：每消費$1美金 = 2里數
- 中國東方航空（東方萬里行）：每消費$1美金 = 2里數
- 中國南方航空（明珠俱樂部）：每消費$1美金 = 2里數
- 海南航空（金鵬俱樂部）：每消費$1美金 = 2里數
- 全日空（ANA Mileage Club）：每消費$1美金 = 3里數
- 大韓航空（SKYPASS）：每消費$1美金 = 2里數
- 星加坡航空（KrisFlyer）：每消費$1美金 = 2里數
- 英航（Avios）：每消費$1美金 = 2里數
- 法航（Flying Blue Miles）：每消費€1歐元 = 2里數
- 漢莎航空（Miles & More）：每消費$1美金 = 2里數
- 美聯航（MileagePlus）：每消費$1美金 = 2里數
- 阿拉斯加航空（Mileage Plan）：每消費$1美金 = 2里數
- 美國航空（AAdvantage）：每消費$1美金 = 2里數
更詳細嘅合作航空公司同對應規則可以參考IHG官網：
https://www.ihg.com/onerewards/content/us/en/earn-rewards/miles.html
賺取航空里數抵唔抵？
IHG積分嘅價值大約係$5美金/千分，大家可以根據呢個數值去計下累積里數抵唔抵。
對於按固定值累積里數嘅航空公司嚟講，唔同嘅航空公司，以及唔同等級嘅IHG會員，都會有一個消費臨界點，低過呢個臨界點嘅時候，累積里數會抵啲。
以每次住宿可以累積500里數嘅亞洲萬里通為例。亞萬里數通常嘅估值大約係每里數$1.1美仙，500亞萬里數 = $5.5美金 = 1,100點 IHG積分。唔同IHG會員等級嘅臨界點如下：
- 白板（$1美金 = 10積分）：賺取1,100點積分需要消費 $110美金
- 銀卡（$1美金 = 12積分）：賺取1,100點積分需要消費 $92美金
- 金卡（$1美金 = 14積分）：賺取1,100點積分需要消費 $79美金
- 白金卡（$1美金 = 16積分）：賺取1,100點積分需要消費 $69美金
- 鑽石卡（$1美金 = 20積分）：賺取1,100點積分需要消費 $55美金
例如：假設你係一名金卡會員，某一次住宿嘅消費金額係$60美金（低過$79美金），咁呢次住宿累積亞萬里數會抵啲。
對於按消費金額累積里數嘅航空公司嚟講，累積航空里數係唔抵嘅。
以每消費$1美金 = 2里數嘅航空公司為例，因為大多數同IHG合作嘅航空公司里數價值，最多都唔會高過每里數$1.5美仙，咁每消費$1美金賺取到2里數嘅價值就係 $3美仙。而以IHG最低等級嘅白板會員計，每消費$1美金可以賺取10積分，價值係 $5美仙，遠遠高過賺取里數嘅價值。
將IHG積分兌換做航空里數
除咗入住酒店賺取里數，你仲可以將手上已有嘅IHG積分兌換做航空里數。
IHG積分同大部分航空公司里數嘅兌換比率係10,000比2,000，即係5:1。呢個比率可以話係極之唔抵。
都係攞亞萬嚟做例子：10,000點IHG積分價值大約係$50美金，而2,000點亞萬里數嘅價值只係約莫$22美金。好明顯價值差距好大，極之唔划算（其他航空公司都一樣）。所以，如果你有儲亞萬里數嘅需求，就及早更改帳戶設定，直接累積里數。唔好諗住先累積IHG積分，之後先再換做亞萬里數，咁樣會好蝕底。
如果係每消費$1美金 = 2里數嘅航空公司，就建議先賺取IHG積分再去兌換。因為：
- 白板會員：每消費$1美金 = 10積分，10積分 = 2里數，比率係5:1
- 銀卡會員：每消費$1美金 = 12積分，12積分 = 2里數，比率係6:1
- 金卡會員：每消費$1美金 = 14積分，14積分 = 2里數，比率係7:1
- 白金卡會員：每消費$1美金 = 16積分，16積分 = 2里數，比率係8:1
- 鑽石卡會員：每消費$1美金 = 20積分，20積分 = 2里數，比率係10:1
會員等級越高，賺分比率就越高。而兌換嘅比率就係固定嘅5:1。所以先賺取IHG積分之後再兌換做航空公司里數會抵啲。
話說返轉頭，如果你確實有大量IHG積分用唔着，同時又需要航空里數，或者啱啱好爭少少里數就可以換到機票，咁樣進行兌換依然係值得考慮嘅。
目前IHG仲未有得直接喺網上將積分兌換做里數嘅功能，你需要打電話聯絡IHG客服先得，聯絡電話如下：
- 中國大陸：800 830 1128
- 香港：800 965 222
- 澳門：0800 728
- 台灣：00801 863 366
兌換過程可能需要長達6個星期，啲里數先至會入帳。因此，將IHG積分兌換做里數並唔適合攞嚟應急，建議大家提前做好規劃。
IHG精選促銷活動：
IHG官方微信小程式專屬優惠（掃碼）：
評論 (0)