Booking.com教學：Genius會員獎勵計劃介紹，訂房低至8折連免費客房升級及早餐

好多酒店集團都有常客計劃（Loyalty Program），例如萬豪（Marriott）嘅旅享家、希爾頓（Hilton）嘅榮譽客會等。加入呢啲常客計劃成為會員之後，只要滿足一定嘅消費條件就可以升級會員等級，享受額外嘅待遇。

雖然唔少OTA（網上旅行社）都有會員計劃，但相比起好多酒店集團嘅常客計劃嚟講，OTA嘅會員計劃多數只係為咗方便管理訂單，根本講唔上咩升級同待遇。雖然有啲平台都有積分制度，但啲積分基本上都冇咩大用。其中Hotels.com嘅十送一活動已經算係比較有睇頭。

Booking.com嘅Genius會員獎勵計劃算係OTA之中唯一一個稱得上係常客計劃嘅。除咗可以升級，仲有訂房折扣、客房升級、免費早餐等。

Genius會員獎勵計劃官網：
https://www.booking.com/genius.zh-cn.html

想成為Genius會員，你需要先喺Booking官網註冊做普通會員，之後透過Booking預訂並入住酒店，滿足條件之後系統就會自動幫你升級。

Genius會員等級

Genius目前有三個等級，每個等級都係終身免費享有。

Genius 1級會員

條件：註冊即可。

待遇：

• 喺不含其他費用嘅稅前住宿預訂價基礎上享10%優惠

Genius 2級會員

條件：2年內完成5次入住。

待遇：

• 喺不含其他費用嘅稅前住宿預訂價基礎上享10% – 15%折扣
• 租車10%優惠
• 預訂Genius住宿，部分房型享免費早餐
• 預訂Genius住宿，部分房型享免費客房升級

Genius 3級會員

條件：2年內完成15次入住。

待遇：

• 喺不含其他費用嘅稅前住宿預訂價基礎上享10% – 20%折扣
• 租車10%優惠
• 預訂Genius住宿，部分房型享免費早餐
• 預訂Genius住宿，部分房型享免費客房升級
• 所有訂單享優先支援（直接同線上客服溝通問題）

Genius會員獎勵計劃分析

成為Genius會員其實唔難，只需要註冊會員之後，2年內入住2次就可以成為Genius 1級會員；2年內入住5次就可以成為2級會員。對好多Booking粉絲嚟講，分分鐘一早做咗2級會員自己都唔知。

此外，一旦成為Genius會員之後，就可以終身享有資格，即係話唔存在保級嘅問題，門檻可以話係非常低喇。

升級條件係唔難，但相應嘅待遇自然都唔高，相比起酒店集團嘅精英會員，Genius會員嘅待遇確實係爭咁啲。

雖然Genius會員嘅待遇睇落唔錯，訂房有9折甚至8折，仲有免費客房升級同免費早餐，但最大嘅問題係，並唔係所有酒店都會提供以上嘅Genius會員待遇。

聽講目前只有一萬多間酒店提供Genius會員待遇，對於號稱擁有二千幾萬房源嘅Booking嚟講，呢個數量未免太少。即係話，就算你係Genius會員，喺預訂心水酒店嘅時候，好大機會並不能享有Genius待遇，你可能焗住要另揀酒店。

喺搜尋酒店嘅時候，帶有「Genius」標籤嘅酒店就係有Genius待遇嘅酒店。▼

講返轉頭，OTA畢竟唔同酒店集團，酒店集團旗下係自家酒店，自產自銷，利潤空間大，容易控制同操作。OTA同酒店之間只係合作關係，要令到酒店讓利以提供Genius會員待遇，需要雙方溝通同協商先得。

總結

對於一般人嚟講，Booking呢個Genius會員獎勵計劃佛系對待就得，夠條件升就升，唔夠亦都無謂格硬嚟。畢竟自己想預訂嘅酒店都未必用得着。

對於嗰啲鍾意用Booking訂房嘅人嚟講，估計Genius 2級一早已經到手，咁日後訂房嘅時候，就要搵多啲有Genius待遇嘅酒店，睇下適唔適合自己嘅住宿需求。

如果你經常去旅行出差，想透過常客計劃獲得更大收益，各大酒店集團嘅常客計劃係更好嘅選擇，有興趣不妨參考下以下文章：
常旅客教學：加入邊個酒店集團嘅會員計劃好？邊間會員積分性價比最高？

睇更多Booking.com訂房優惠 / 教學請㩒呢度